Chén chüen'goning xitay merkizi komitétining yighinigha qatnashmasliqi chet'el taratqulirining diqqitini qozghighan

Muxbirimiz erkin
2020-11-20
Share

Uyghur aptonom rayonluq partkomning sékritari, xitay kompartiyesi siyasiy byurosining ezasi chén chüen'goning bu heptining bashliri béyjingda ötküzülgen siyasiy byuro ezalirining yighinigha qatnashmasliqi "Shinjangning kélechiki" heqqide su'al peyda qilghan. "Nikéy asiya teqrizi" zhurnilining xewer qilishiche, bir siyasiy byuro ezasining bu yighinlargha qatnashmasliqi binormal ehwal bolup, bu uning yéqinqi bir qanche hepte ichide 2-qétim bu xil achquchluq yighinlargha qatnashmasliqi iken.

Xitay kompartiyesi merkiziy komitéti16 we 17-noyabir künliri béyjingda "Qanun bilen bashqurush" xizmet yighini chaqirghan. Yighinda shi jinping söz qilghan bolup, yighin'gha siyasiy byuroning 25 ezasidin peqet chén chüen'go qatnashmighan. Uyghurlargha "Irqiy qirghinchiliq" yürgüzüzshke yétekchilik qilish bilen eyiblinip kéliwatqan chén chüen'goning bu yighinda yoqliqi "Nikéy asiya teqrizi" ning diqqitini qozghighan.

"Nikéy asiya teqrizi" ning bildürüshiche, chen chü'en'go ilgiri xitay kompartiyesining 29-öktebir axirlashqan 19-nöwetlik merkizi komitétining 5-qétimliq yighinighimu qatnashmighaniken. Xewerde, xongkong taratquliri chén chüen'goning Uyghur élide taralghan yuqum seweblik bu yighin'gha qatnashmighanliqini ilgiri sürsimu, lékin karantin waqtining xéli burunla axirlashqanliqi, uning bu heptidiki yighin'gha néme üchün qatnashmighanliqining éniq emesliki, buning chén chüen'gogha birer ish boldi, dégen guman we "Shinjangning kélechiki" heqqide su'al peyda qilghanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet