Google Бу йил күздә хитай базириға қайта киридикән

Мухбиримиз җүмә
2015-09-05
Share


Хәвәрләргә қариғанда, америкидики әң чоң интернет издәш матори ширкити — гугул (Google) бу йил күздә хитай базириға қайта киридикән.

Мәлум болушичә, гугул ширкити нөвәттә Google Play (гугул базири) ниң хитайчә нусхисини хитай базириға ечиш үчүн тәстиқ елишқа тиришмақта икән.

Гугул 2006 - йили хитай базириға тунҗи қетим киргәндә хитайниң интернет чәклимилиригә бойсунидиғанлиқини билдүргән. Һалбуки мәзкур ширкәт 2010 - йили интернет әркинлики мәсилисидә хитай тәрәп билән тиркәшкән вә ахири шу йили мартта хитайдики издәш мулазиметирини тақап, мулазиметирини хоңкоңға йөткигән иди.

Әйни чағда хитай дөләт ишлири кабинети ахбарат ишханиси баят елан қилип, гугулни өз вәдисидә турмаслиқ билән әйиблигән вә: "гугулниң қарари бу пүтүнләй хата болди" дегән иди.

Гугулниң бу нөвәт йәнә қандақ шәртләр астида хитай базириға киришни қара қилғанлиқи, хитай тәрәпниң буниңға қандақ инкас қайтурғанлиқи намәлум.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт