"һәптилик хәвәрләр" журнили: "президент трамп шинҗаңдики зулумни ирқий қирғинчилиқ, дәп бекитиши керәк"

Мухбиримиз әркин
2021-01-08
Share

Америка ташқи сиясәт кеңишиниң тәтқиқатчиси майкел соболик 7-январ "һәптилик хәвәрләр" журнилида мақалә елан қилип, президент трампни вәзиписидин айрилиштин бурун ахирқи бир ишни беҗиришкә, хитайниң уйғур елидики зулумини "ирқий қирғинчилиқ" дәп рәсмий бекитишкә чақирған. Майкил соболик "трампниң хитайға даир әң әһмийәтлик ишини йәнила қилғили болиду" мавзулуқ мақалисидә ейтишичә, вәзиписидин айрилидиған әмәлдарлар кейинкиләргә бу мәсилидә һечқандақ пурсәт қалдурмаслиқи керәк икән.

Майкел соболик мақалисидә, "трамп мәмурийити уйғурларни қоғдаш үчүн нурғун иш қилди. Лекин вәзиписидин айрилидиған әмәлдарлар һечқандақ бир ишни тәләйгә қалдуруп қоймаслиқи керәк. Президент трамп ахирқи бир тиришчанлиқни көрситип, шинҗаңдики зулумни ирқий қирғинчилиқ, дәп рәсмий бекитиши керәк" дегән. Униң тәкитлишичә, хитайниң уйғур елидики зулуми 3 җәһәттин б д т ниң ирқий қирғинчилиқ әһдинамисигә чүшидикән. У, буниң уйғурлар арисида туғутни чәкләш, уйғур аилилириниң бирликигә бузғунчилиқ қилиш, уйғурларға қәстән җисманий, роһий зиянкәшлик қилишни өз ичигә алидиғанлиқини билдүргән.

Униң қаришичә, трамп һөкүмити бу мәсилидә иқтисадий ембарго, мәҗбурий әмгәк мәһсулатлирини тутуп қелиш қатарлиқ вастиларни қолланған болсиму, лекин бу вәһшийликни рәсмий ирқий қирғинчилиқ дәп бекитип бақмиған. У бу вәһшиликниң характери бекитилгәндин кейин мәзлумлар қоғдилип, залимлар җазаланғичә арқиға қайтишниң мумкин болмайдиғанлиқи, бу қарарни кечиктүрүшниң таллаш йоли әмәсликини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт