راندىي شرايۋېرنىڭ ئىستېپا بېرىشى غۇلغۇلا قوزغىدى

مۇخبىرىمىز ئەزىز
2019-12-12
ئېلخەت
پىكىر
Share
پرىنت

ئامېرىكا دۆلەت مۇداپىيە مىنىستىرلىقىنىڭ ياردەمچى مىنىستىرى راندىي شرايۋېر 12-دېكابىر كۈنى رەسمىي ئىستىپا بەرگەنلىكىنى جاكارلىغاندىن كېيىن ھەر ساھەنىڭ زور دەرىجىدىكى ھەيرانلىقىغا سەۋەب بولدى.

«چەتئەل سىياسىتى» ژۇرنىلىنىڭ 12-دېكابىردىكى خەۋىرىدە ئېيتىلىشىچە، راندىي بەش بۇرجەكلىك بىنانىڭ ئىستراتېگىيەلىك دىققەت مەركىزىنى ئوتتۇرا شەرقتىن خىتايغا بۇراشتا زور رول ئوينىغان بولۇپ، «خىتاي لاچىنى» دەپ نام ئالغان ئىكەن. ياردەمچى مىنىستىر راندىي شرايۋېر بەش بۇرجەكلىك بىنادىكى خىزمەت تارىخىدا ئومۇمەن ئىجابىي باھالارغا ئېرىشىپ كەلگەن بولۇپ، ئىلگىرى يەنە مۇئاۋىن تاشقى ئىشلار مىنىستىرى بولۇپمۇ ئىشلىگەن ئىكەن. ئۇ يەنە خىتاي ھۆكۈمىتىنىڭ ئۇيغۇرلارغا قانداق زىيانكەشلىك قىلىۋاتقانلىقى ھەمدە ئۇلارنى قانداق باستۇرۇۋاتقانلىقى ھەققىدە دەسلەپ بولۇپ ئاشكارا سۆز قىلغان يۇقىرى دەرىجىلىك ئامېرىكا ئەمەلدارلىرىنىڭ بىرى ئىكەن.

«مۇداپىئە خەۋەرلىرى» گېزىتىنىڭ 12-دېكابىردىكى خەۋىرىدە ئېيتىلىشىچە، راندىي شرايۋېرنىڭ ئىستېپا بېرىشى ئاساسلىقى ئۇنىڭ «شەخسىي تۇرمۇشى» سەۋەبلىك بولۇپ، ئۇ ھازىرچە يېڭىدىن قۇرۇپ چىققان ئائىلىسى ئۈچۈن بۇ قارارنى ئالغان بولۇشى مۇمكىن، دەپ قارالماقتا ئىكەن.

پىكىرلەر (0)
Share
تولۇق بەت