Хитайдики әң чоң мусулманлар тор бети тақап қоюлди

Мухбиримиз әркин
2016-12-14
Share


Хитайдики әң чоң мусулманлар то бекити-“җоңгу мусулманлар тори” тақап қоюлған. Лекин, униң вақитлиқ яки пүтүнләй тақалғанлиқи вә тақилиш сәвәби мәлум әмәс. Бу торниң исми сәзгүр сөзлүк қатариға киргүзүлүп, торда издәш чәкләнгән. Бәзи ахбарат васитилири, бу торниң “диний радикаллиқни тәрғип қилиш”қа четишлиқ, дәп тақалғанлиқини илгири сүргән. Радиомизниң мухбири бу торниң гәнсу ләнҗудики мәркизигә телефон қилған болсиму, лекин зиярәт қобул қилишни рәт қилған.

“җоңгу мусулманлар тори” 2003-йили қурулған болуп, у туңганлар арисида тәсири чоң торларниң бири иди. Мәзкур торда хитайниң мусулманлар сиясити, униң уйғур районида йолға қойған һиҗап, чүмбәл вә башқа диний символларни чәкләш сияси, һалал йемәкләрни қоғдаш, атеизмниң инсан әхлақиға зиянлиқ икәнлики қатарлиқ темиларда нурғун мақалә, пикирләр елан қилинған.

Хитай кишилик һоқуқ паалийәтчиси ху җүнниң радиомизға билдүрүшичә, бундақ мөтидил бир тор бәтниң “диний радикаллиқ идийисини тәрғип қилиш” билән әйиблинишини тәсәввур қилиш бәси мүшкүл икән.

Бәзи хәвәрләрдә. Мәзкур торниң тақилишини хитай мәмликәтлик диний-миллий ишлар комитетиниң туңган мудири ваң җеңвейниң вәзиписидин елип ташлинишиға бағлиған. Ваң җиңвей, миллий хаслиқни тәкитләп, туңган районлирида нурғун мәсчитләрни салдурған, һалал йемәклик қануни чиқиришни қоллап, компартийә ичидики чоң хәнзучи күчләрниң һуҗум нишаниға айлинип қалған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт