Кучада бир сақчи понкити һуҗумға учрирап, 10 адәм етиветилгәнлики мәлум

Мухбиримиз җүмә
2015-06-24
Share


Хитай вә хоңкоң ахбаратлириниң көрситишичә, 22 - июн қәшқәрдә вәқә чиқип узақ өтмәй, ақсу куча наһийәсиниң уча базирида бир сақчи понкитиниң һуҗумға учриғанлиқи, һуҗумда 10 адәм етиветилгәнлики мәлум.

Хитайдин чиқидиған "сина" ториниң хәвәр қилишичә, 24 - июн һуҗумчилар уча базиридики бир сақчиханиға көйдүргүч бомба билән һуҗум қилған. 10 Һуҗумчи нәқ мәйданда етиветилгән. Тоқунушта сақчи тәрәптин өлгән - яки яриланғанлар бар йоқлуқи намәлум.

Хитай ахбаратлири еливетилгәнләрниң барлиқ һуҗумчиларни тәшкил қилидиған яки қалмайдиғанлиқи, әгәр башқа һуҗумчиларму бар болса уларниң нөвәттики әһвали һәққидә тәпсилий мәлумат бәрмигән.

Хоңкоңдин чиқидиған "доңваң" ториниң хәвәр қилишичә, нөвәттә даириләр куча наһийәси тәвәсидә җиддий ахтуруш вә адәм тутуш һәрикити елип бериватқан болуп, һөкүмәт даирилири вәқәгә алақидар учур билән тәминлигүчиләргә инам беридиғанлиқи һәққидә уқтуруш чиқарған.

Радиомиз бу вәқәни өз алдимизға дәлилләнмигән болғачқа, һазирчә һуҗумниң сәвәби вә җәряни техи ашкариланмиди.

Радиомиз хитай бөлүминиң зияритини қобул қилған үрүмчидики бир хитай киши мәзкур вәқәдин хәвәр тапқанлиқини, әмма тәпсилатини билмәйдиғанлиқини ейтти.

22 - Июн қәшқәрниң тахтакөрүк мәһәллиси әтрапида қатнаш сақчилириға һуҗум қилиш вәқәси йүз берип 3 нәпәр сақчини оз ичигә алған 18 адәм өлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт