"Wol stérét zhurnili": "Xitayning shinjangdiki musulmanlarni kontrol qilish herikitide özgirish bolghan"

Muxbirimiz erkin
2020-02-07
Élxet
Pikir
Share
Print

"Wol stérét zhurnili" géziti 6‏-féwral Uyghurlar heqqide chong hejimlik xewer élan qilip, xitayning Uyghur rayonidiki musulmanlarni kontrol qilish herikitide özgirish bolghanliqini bildürgen. "Xataliqni iqrar qilish, pushman bolush: xitay shinjangdiki musulmanlarni kontrol qilish herkitini özgertken" mawzuluq mezkur xewerni bu gézitning yéqinda qeshqer bilen xotenni ziyaret qilghan ikki muxbiri yollighan.

Xewerde qeyt qilinishiche, yéqindin béri mezkur rayondiki atalmish bezi "Kespiy terbiyelesh merkezliri" boshitilip taqalghan bolsimu, lékin bu orunlardiki bir qisim tutqunlar qamaqqa, bir qismi zawut karxanilargha yötkelgen. Xewerde, "Qeshqer sheherlik kespiy terbiyelesh merkizi" ning taqalghanliqi, lékin uning jenubigha jaylashqan aptomobilda bir sa'ette barghili bolidighan jaydiki qayta-terbiyelesh lagérining türmige özgertilgenliki'i bildürülgen. 

Xewerde bayan qilinishiche, ikki yil awwal yerlik ahaliler bu orunning bir mektep ikenlikini ilgiri sürgen bolup, bu qétim bir amanliq xadimi muxbirlarning yolini tosup, bu orunning türme ikenlikini bildürgen. Xewerde, bu ikki lagérning körünishi hökümetning shinjangdiki herikitide özgirish boliwatqanliqini körsitidighanliqi tekitlen'gen. "Wol stérét zhurnili" géziti muxbirlirining bildürüshiche, ular xelq'araning diqqiti we amérika bashchiliqidiki gherb döletlirining bésimida bezi amanliq tedbirlirining bikar qilin'ghanliqi, emma halqiliq amanliq tedbirlirining yenila mewjut ikenlikini bildürgen. 

Xewerde yene mezkur gézitning muxbirlirining ziyaret jeryanida xitay da'irlirining bu rayonni kontrol qilishta yene bir xil taktikini yolgha qoyuwatqanliqi, uning ichkiri ölkilerdiki xitay puqralirini bu rayonda olturaqliship, uning teb'iy bayliqini échishqa, medeniyet assimilyatsiyesini algha sürüshke righbetlendüriwatqanliqi tektilen'gen.

Toluq bet