Нобел тинчлиқ мукапатиниң саһиби лю шавбо түрмә сиртида давалинишқа қоюп берилгән

Мухбиримиз қутлан
2017.06.26
Share on WhatsApp
Share on WhatsApp

Бүгүн дунядики чоң -кичик таратқуларниң һәммиси хәвәр берип, түрмидики хитай өктичиси, нобел тинчлиқ мукапатиниң саһиби лю шявбониң кесәллик сәвәбидин түрмә сиртида давалинишқа қоюп берилгәнликини билдүргән.

“җәнубий җуңго әтигәнлик почта гезити” ниң хәвәр қилишичә, лю шявбоға “җигәр ракиниң ахирқи басқучи” дегән диагноз қоюлған икән.

Лю шявбониң адвокатиниң чәтәл мухбирлириға ашкарилишичә, лю шявбо һазир шеняңдики җуңго медитсина университетиниң шөбә дохтурханисида даваланмақтикән. Һалбуки, униң ахирқи басқучқа келип қалған рак кесилиниң давалиниш җәрянида зади қанчилик үнүм беридиғанлиқи ениқ әмәскән.

Хитай өктичи лю шявбо “2008 хитабнамиси” ни язғанлиқи үчүн 2009-йили 12-айда хитай соти тәрипидин “дөләт һакимийитини ағдурушқа урунуш җинайити” билән әйиблинип 11 йиллиқ қамаққа һөкүм қилинған иди.

Һалбуки, уйғур зиялийси илһам тохти хитай һөкүмитини өзи түзгән “аптономийә қануни” дики бәлгилимиләр бойичә уйғур хәлқиниң қануний һәқ-һоқуқлирини капаләткә игә қилишқа үндигәнлики үчүн 2014-йили хитай соти уни “дөләтни парчилаш җинайити” билән әйибләп, муддәтсиз қамақ җазасиға һөкүм қилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.