Qaraqash nahiyesidiki 69 nuqtida meblegh bashqurushqa nazaretchilik qilish nuqtiliri tesis qilin'ghan

Muxbirimiz eziz
2021-12-29
Share

Yéqinqi mezgillerde pütkül xitay miqyasida ewj alghan “Yézilardiki kolléktipqa tewe meblegh, mal-mülük we bayliqni derije boyiche nazaret qilish” shamili Uyghur diyaridiki herqaysi nahiyelerde keng omumlashqan. Shu qatarda qaraqash nahiyesidiki herqaysi yézilar teweside yéza kolléktipigha tewe meblegh, mal-mülük we bayliqni nazaret qilish nuqtisi 69 jayda tesis qilin'ghan.

Xitay “Merkiziy réwiziye komitéti” ning tor bétide élan qilin'ghan bu heqtiki xewerde éytilishiche, yézilargha ajritilghan türlük meblegh hemde kolléktipqa mensup bayliqlar yéqinqi mezgillerde nazaretning yéterlik bolmasliqi tüpeylidin bir qisim yéza rehberlirining chöntikige chüshüp ketken. Bu xil ehwalni özgertish üchün pütün xitay teweside buni nazaret qilish sistémisi berpa qilish shamili chiqqan. Uyghur aptonom rayonluq réwiziye komitétimu shu qatarda 29-dékabir küni mushu xildiki mebleghni yutuwélish yaki özining qiliwélish qilmishigha da'ir alte déloni élan qilghan.

Melum bolushiche, parixorluq pütkül xitay tewesidiki emeldarlar üchün keng omumlashqan pul tépish wastilirining biri iken. Emma Uyghur diyarida lagér sistémisi bashlan'ghandin buyan, yéza-igilik saheside aldin béyighan nurghun Uyghurlar lagérlargha qamilip, ularning bagh-waranliri, térilghu yerliri we bashqa bayliqliri kolléktip namigha ötküziwélin'ghan idi. Emdilikte xitay hökümitining kolléktipqa tewe bayliqlarni nazaret qilish heqqidiki xewerliri bu heqte ashkara bolmighan köpligen hadisilerning mewjutliqidin bisharet bermekte, dep qaralmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet