Йәркән наһийәсидә "миң аял тәшвиқатчи" һәркити башланди

Мухбиримиз әзиз
2021-04-26
Share

Хитай һөкүмитиниң уйғур дияридики сиясий контроллуқиниң йәнә бир вастиси йеқинда йеза аяллирини тәшвиқат хизмитигә селишта өз ипадисини тапқан. "тәңритағ тори" ниң бу һәқтики хәвиридә бу әһвал "алаһидә йеңилиқ" сүпитидә тилға елинған.

Хәвәрдә ейтилишичә, йәркән наһийәлик һөкүмәт миң кишилик аял тәшвиқатчилар қошуни тәшкиллигән болуп, буниңда "партийәгә раст гепини ейтиш" муһим тема қилинидикән. Бу "миң кишилик тәшвиқатчилар қошуни" сәпәрвәрлик йиғинида "партийәгә болған чәксиз меһри-муһәббитини ипадиләш арқилиқ җуңхуа ортақ кимлики чүшәнчисини аяллар вә балиларниң қәлбигә орнаштурушқа күч чиқиридиғанлиқи" ни билдүргән.

Муһаҗирәттики анализчилар бу һәқтә пикир қилип, буниң илгирики йилларда әвҗ алған "һәммила киши өзиниң бурунқи сиясий сәвәнликлирини паш қилиш" һәркитиниң башқичә вариянти икәнликини, "партийәгә раст гепини қилған уйғурниң ақивити лагир болидиғанлиқи" ни алаһидә әскәртти. Шуниңдәк әрлириниң қәйәрдә икәнлики намәлум болған бу аяллар қошуни арқилиқ "хитай һөкүмитиниң ‹җуңхуа ‍ортақ кимлики' чүшәнчисини омумлаштурмақчи болуши сепи өзидин хитайлаштурушни ашкара тәрғип қилиштин башқа нәрсә әмәс," дәп көрсәтти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт