Мисраним ториниң қурғучиси абабәкри мухтәрниң қоюп берилгәнлики илгири сүрүлди

Мухбиримиз әркин
2016.06.10
Share on WhatsApp
Share on WhatsApp

“мисраним” ториниң қурғучиси, абабәкри мухтәрниң йеқинда қоюп берилгәнликигә даир хәвәрләр тарқалди. Уйғур иҗтимаий таратқулирида униң мушу бир қанчә күн ичидә үрүмчидики мәлум бир аммиви сорунда тартилған рәсими тарқилип, униң қоюп берилгәнликигә даир пикирләрни күчләндүрди.

Әмма бу сүрәтлик хәвәрләрдә, униң қачан қоюп берилгәнлики тилға илинмиған. Абабәкри мисраним бу йил 14-апрелдин башлап из‏-дерәксиз йоқап кәткән. Радийомиз йеқинда абабәкрини өз ичигә алған “мисраним”, “бағдаш” торлириниң қурғучиси вә башқурғучилириниң тутқун қилғанлиқиға даир хәвәрләргә еришкән иди.

Абабәкри мухтәрниң тутқун қилиниш сәвәби һәр хил пәрәзләрни пәйда қилған. Хәвәрләрдә илгири сүрүшичә, даириләр униң тутқун қилинишини бир өзбек нахшичи билән болған иқтисади маҗираға бағлиған.

Әмма хәлқ ичидики инкасларда, униң чәтәлдики уйғур зиялийлириниң мақалә, әсәрлирини торида елан қилиши сәвәблик тутқун қилинғанлиқи илгири сүрүлгән. Абабәкри мухтәр илгири, америкиниң хитайда турушлуқ сабиқ баш әлчиси гәрий локниң қобул қилишиға сазавәр болған һәмдә униң орунлаштуруши билән 2014-йили америкида икки һәптилик зиярәт вә екскурсийидә болған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт