20-январ күни ички моңғулниң шилинғул яйлиқида моңғул чарвичилириниң наразилиқ намайиши йүз бәрди

Мухбиримиз меһрибан
2015-01-20
Share

20-январ күни ички моңғулниң шилинғул яйлиқида яйлақтин мәҗбурий көчүрүлгән моңғул чарвичилириниң наразилиқ намайиши йүз бәрди.

Японийәдики ички моңғул хәлқ партийисиниң катипи кәрид квасгалд әпәндиниң иҗтимаий алақә тори фейсбокта елан қилған рәсимлик хәвиридин мәлум болушичә, шу йәр вақти чүштин кейин саәт 1 ләр әтрапида шилинғул яйлиқидики бирқанчә хошуттин мәҗбурий көчүрүветилгән моңғул чарвичилиридин нәччә йүз киши, лозункиларни көтүрүп, наһийилик һөкүмәт алдиға топланған.

Кәрид әпәндиниң билдүрүшичә, намайиш қилған моңғул чарвичилири яйлақтики йәрлиридин айрилғандин кейин, күндилик турмушта қийинчилиққа учриғандин башқа, яйлақта ечилған көмүр кан ширкәтлириниң улар яшаватқан муһитни еғир дәриҗидә булғиғанлиқи үчүн мал-чарвиларниң өлүп, чарвичиларниң һәр хил нәпәс йоли кесәлликигә гириптар болғанлиқидин шикайәт қилған. Улар һөкүмәттин мәсилини һәл қилишни тәләп қилған. Әмма наһийилик һөкүмәт вәзийәтни контрол қилиш үчүн сақчи вә қораллиқ сақчиларни йөткәп кәлгәнлики үчүн моңғул чарвичилири билән сақчилар арисида тоқунуш йүз берип, бирқанчә моңғул чарвичи тутқун қилинған.

20-январдики хитай һөкүмәт таратқулирида шилинғул яйлиқидики моңғул чарвичилириниң наразилиқ намайиши һәққидә хәвәр берилмиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт