Ichki mongghuldin béyjinggha kelgen erzdarlar élip kétildi

Muxbirimiz méhriban
2016-06-16
Share

Radiyomiz igiligen ehwallardin melum bolushiche, 15-iyun charshenbe küni ichki mongghulning ordos shehirige qarashliq xan'gin, otugh xoshunliridin yaylaq dawasi qilip, béyjinggha barghan 50 dek charwichi, yerlik da'iriler teripidin mejburiy élip kétilgen.

Mongghul charwichilarning radiyomizgha bildürüshiche, 16-iyun peyshenbe küni yerlik da'iriler ewetken hökümet xadimliri béyjingdiki döletlik erziyet idarisi aldidin mongghul charwichilarni nesihet qilish, tehdit qilish wasitilirini qollinip élip ketken.

Melum bolushiche, ordos shehiridiki mongghul erzdarlar yerlik hökümet da'irilirining mongghullarning yaylaqlirini mejburiy igiliwélip, shirketlerge ishlitishke bérishi, yaylaqta échilghan kan we ximiyiwi zawutlar sewebidin barghanche nacharlishiwatqan yaylaqning ékologiyilik muhiti mesilisini hel qilish heqqide yézilghan birleshme erzini xitay döletlik erziyet idarisige sunush üchün béyjinggha kelgen.

Radiyomizgha ehwalni bildürgen bir neper mongghul charwichi ilgiri bu a'ilige charwa béqish üchün höddige bérilgen 13 ming mo yaylaqning, nahiyilik hökümet teripidin dölet igidarchiliqidiki zémin dégen uqturush chüshürülüp, tartiwélin'ghanliqini we bu a'ilige héchqandaq tölem bérilmigenlikini, bu qétim erz qilip béyjinggha kelgen bashqa mongghul charwichilirining yaylaqlirimu her xil namlarda igiliwélinip tölem bérilmigenlikini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet