“Ghayiblar anisi” patigül ghulam türmidin qoyup bérilgen
2016.05.31
Radiyomiz muxbirining ishenchlik menbelerdin igilishiche, 2009-yilidiki ürümchi “5-Iyul weqesi” din kéyin ghayib qiliwétilgen oghlining iz-dérikini qilishni toxtatmighan hemde mushu seweblik “5-Iyul ghayiblar anisi” dep atalghan patigül ghulam 27-may küni qoyup bérilgen.
Patigül ghulamni xitay da'irilirining 7-aprél küni mexpiy sotlimaqchi bolghanliqi heqqidiki xewerler tarqalghandin kéyin, xelq'aradiki insan heqliri teshkilatliri buninggha küchlük naraziliq bildürgen, shundaqla yawropada patigül ghulamni azadliqqa chiqirish muraji'etnamisi élan qilin'ghan. Shuning bilen birge, amérika insan heqlirini közitish teshkilati xitay bölümining mudiri soféy réchardson xanim, dunya Uyghur qurultiyining re'isi rabiye qadir xanim hemde amérikidiki Uyghur insan heqliri qurulushi teshkilati qatarliqlar bu heqte mexsus bayanat élan qilip, patigül ghulamni qoyup bérishni telep qilghan idi.
Patigül ghulamning türmidin qoyup bérilgenliki melum bolghan bolsimu, hazirche bu heqtiki tepsilatlar, shundaqla uning ghayib qiliwétilgen oghli imam muhemmet'élining iz-dériki éniq emes.