قاھىرىدە پرېزىدېنت مۇرسىنى ئىستىپاغا چاقىرىش نامايىشى ئۆتكۈزۈلدى

مۇخبىرىمىز ئۈمىدۋار
2013-06-30
Share

يەكشەنبە كۈنى مىسىر پايتەختى قاھىرە ۋە مەملىكەتنىڭ باشقا جايلىرىدا بىر قانچە ئون مىڭ ئادەم قاتناشقان كەڭ كۆلەملىك نارازىلىق نامايىشلىرى يۈز بېرپ، پرېزىدېنت مۇرسىنى ۋەزىپىسىدىن ئىستىپا بېرىشكە چاقىردى.

ب ب س ئاگېنتلىقىنىڭ خەۋەر قىلىشىچە نامايىشچىلار قاھىرەدىكى ئازادلىق مەيدانىغا توپلىنىپ، نامايىش قىلىش بىلەن بىرگە «مۇرسى يوقال» دېگەن شوئارلارنى توۋلىغان. بۇ ئۆكتىچىلەر نامايىشى بولۇپ، بۇ خىلدىكى نارازىلىق ھەرىكەتلىرى، پورت شەھەر ئالېكساندرىيىدىمۇ يۈزبەرگەن.

ئەمما، مۇرسىنى ئىستىپاغا چاقىرغان، ئۆكتىچىلەردىن باشقا يەنە زور ساندىكى مۇسۇلمان قېرىنداشلار جەمىيىتىنىڭ ئەزالىرى ۋە مۇرسىنىڭ باشقا قوللىغۇچىلىرى يىغىلىش ئۆتكۈزۈپ، ئۇنى قوللاش ھېسسىياتىنى بىلدۈرگەن.

قوللىغۇچىلار مۇرسىنىڭ قانۇنلۇق، سايلام بىلەن مەيدانغا كەلگەن پرېزىدېنت ئىكەنلىكىنى، ئۇنىڭ ۋەزىپىسىدىن قېلىش قالماسلىقىنى پەقەت سايلام ئارقىلىق بەلگىلەشكە بولىدىغانلىقىنى بىلدۈرۈشكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت