Қарақаш наһийәсиниң бир кәнтидә 16 завут қурулуп, уйғурларниң ишлитиливатқанлиқи мәлум

Мухбиримиз ирадә
2020-12-17
Share

Хитай һөкүмитиниң уйғурларни әрзан баһалиқ қул әмгәкчилиригә айландуруватқанлиқи хитай өзи тарқатқан хәвәрләрдиму ашкариланмақта.

"хитай хәвәрләр тори" 17-декабир елан қилған бир хәвиридә, қарақаш наһийәсиниң пәқәт бир кәнтидила 16 кархана қурулғанлиқини, илгири өз алдиға хусусий тиҗарәт билән шуғуллинидиған, деһқанчилиқ қилидиған яки һөнәр-кәсп билән шуғуллинидиған деһқанларниң һазир бу завутларда муқим маашлиқ ишчиларға айланғанлиқини тәнтәнә билән баян қилған. Хәвәрдә қарақаш наһийәсиниң узунериқ кәнтиниң аһалилилири юқириқи бу завутларда ишқа орунлишип "татлиқ һаятқа еришти" дийилгән.

Сәвәби бу кәнттики аһалиләр бир-биригә гирәләшкән кәмпүт пишшиқлап ишләш завути, печинә-пирәник завути вә шәрбәт завути қатарлиқ татлиқ йемәклик санаитидә хизмәт қилдурулмақтикән.

"хитай хәвәрләр тори" ниң хәвиридә узунериқ кәнтиниң әслидә интайин намратлиқини, әмма бу карханиларниң келиши билән бу кәнтниң "йәрликтики даңлиқ ишқа орунлишиш кәнти" гә айланғанлиқини илгири сүргән.

Һалбуки, хитай һөкүмити дәватқан "ишик алдида ишқа орунлишиш", "муқим хизмәткә еришип, турмуши капаләткә игә болуш" дәп тәрипләватқан һәрикәтлириниң һәммисиниң әмәлийәттә уйғурларни әрзан баһалиқ қул әмгәкчиләргә айландуруш тәшәббуси икәнлики, қорамиға йәткәнләр, яшанғанлар вә лагерлардин қоюп берилгәнләрниңму әмәлийәттә мушу хил завутларда қул әмгикигә селиниватқанлиқи, уларниң халиған вақитта өйигә қайталмайдиғанлиқи, халиған җайға баралмайдиғанлиқи дәлил-испатлири билән хәлқараға кәң ашкариланмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт