Qaraqash nahiyilik partkomgha aptomobilliq hujum qilish weqesi yüz bergen

Muxbirimiz shöhret hoshur
2016.12.28
Share on WhatsApp
Share on WhatsApp

Xitay axbaratining xewer qilishiche, charshenbe küni chüshtin kéyin ürümchi waqti sa'et 2 din 50 minut ötkende xitayning qaraqash nahiyelik partkomi hujumgha uchrighan.

Xewerde déyilishiche, 4 neper hujumchi partkom qorusigha aptomobil bilen bésip kirgen we bomba partlatqan. Xewerde déyilishiche, hujumda xitay tereptin bir kishi ölgen, 3 kishi yarilan'ghan؛ hujumchilar neq meydanda xitay qoralliq küchliri teripidin étip tashlan'ghan. Xitay axbaratida weqe gumandarlirining kimliki, meqsiti we weqening sewebi heqqide héchqandaq melumat bérilmigen.

Adette xitay da'iriliri özlirige qarshi élip bérilghan herqandaq bir qarshiliq herikitini térrorluq bilen eyiblimekte. Uyghur milliy herikiti rabiye xanim ilgiriki bu xil weqeler heqqidiki bayanatlirida, “Weqege xitay hökümitining siyasiti türtke boluwatqanliqi, chünki Uyghurlargha nisbeten öz iradisini tinch yol bilen ipadileshke héchqandaq bir purset bérilmigenliki” ni ilgiri sürgen idi.

Xewerlerdin melum bolushiche, bügünkisi Uyghur rayonida chén chüen'go textke chiqqandin buyan yüz bergenliki sirtqa ashkarilighan ikkinchi chong qanliq weqedur. Ikki ayning aldida yeni chén chüen'go wezipe tapshuruwélip uzun ötmey, guma nahiyilik saqchi idarisining mu'awin bashliqi öy tekshürüsh dawamida gemidiki bir bomba partlap ölgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.