Qazaqistan “Gülenchiler” ge chétishliq oqutquchilarni ishtin heydeydu

Roytérs agéntliqining xewirige qarighanda, türkiyege ziyaretke kelgen qazaqistan prézidénti nursultan nezerbayéf türkiye prézidénti rejeb tayib erdoghan bilen 5 - awghust küni söhbetleshken hemde alaqidar kélishimlerge imza qoyghan. Söhbette nursultan nezerbayéf qazaqistan hökümitining gülenchilerge chétishliq herqandaq oqutquchini ishtin we chégradin heydeydighanliqini bildürgen.

Xewerde éytilishiche, türkiy til asasiy orunni igileydighan ottura asiyada gülenchilerning tesiri mu'eyyen sanda mewjut bolup, türkiye hökümiti izchil halda gülenchilerni hakimiyetni aghduruwétish qestide bolup kelmekte, dep eyibleydu. Nezerbayéf bu heqte toxtilip “Biz türkiyege qarshi ishlarni qilishqa qiziqmaymiz. Chünki otturimizda kélishimler mewjut” dégen.

Melum bolushiche, qazaqistan teweside türkiye hökümitining yardimi bilen échilghan nurghun sanda mektepler bolup, nezerbayéf bulardin gülenchiler bilen alaqisi bar, dep qaralghan ottuz nechche mektepni taqaydighanliqini, shundaqla türkiyedin kelgen oqutquchilardin gülenchiler bilen chétishliqi barlirini chégradin heydep chiqiridighanliqini bildürgen.

Ötken hepte türkiye hökümiti qazaqistan tewesidiki gülenchilerning tesiridiki mekteplerdin endishe qiliwatqanliqini bildürgen hemde qazaqistan hökümitini bu xildiki mekteplerning térrorluq bilen alaqidar ikenliki toghriliq agahlandurghan idi.