Rusiye istixbarat organliri islam dölitining orta asiyagha hujum qilishi mumkinlikni bildürgen.

Muxbirimiz jüme
2015-10-31
Share


Birleshme agéntliqida körsitishiche, rusiye fédératsiye xewpsizlik idarisi bashliqi aléksandér bortnikowning yuqiriqi sözliri 28 - öktebir rusiye axbaratlirida xewer qilin'ghan.

Uning éytishiche, afghanistanning shimaliy chégrasigha jaylashqan talibanning bir qisim jenggerliri islam dölitige bey'et qilghan.

Afghanistan shimal terepte özbékistan, tajikistan we türkmenistan bilen biwasite chégrilinidu.

Afghanistanning tinchisiz rayoni hésablinidighan mazari sherif sheheridin özbékistanning termiz shehirige mashina bilen 1 sa'et 30 minutta yétip barghili bolidiken.

Erkin yawropa radi'o'isning 24 - séntebirdiki xewirige qarighanda, süriyediki el nusra teshkilati özbék, tajik we chéchenlerdin terkib tapqan 1500 jihadchining özlirige qoshulghanliqini bildürgen.

Yéqinda rusiye prézidénti putin afghanistan weziyitini"Intayin jiddiy" dep körsetken we orta asiya elliri rehberlirini afghanistandin kélidighan tehditlerge birlikte taqabil turushqa chirqirighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet