Җеҗяң өлкисидә бир тонна сахта қалпақлиқ медуза байқалған

Мухбиримиз җүмә
2016-05-11
Share

Хәвәрләргә қариғанда, хитайниң җеҗяң өлкисидә бир тонна сахта қалпақлиқ медуза белиқи байқилип, хитайда әзәлдин қизиқ нуқта болуп кәлгән йемәклик бихәтәрлики мәсилиси йәнә бир қетим оттуриға чиққан.

Фирансийә агентлиқиниң хәвәр қилишичә, мәзкур медузилар химийилик усулда ясап чиқилған болуп, булар җеҗяң өлкиси хуҗу шәһиридики бир йемәклик базирида байқалған.

Һалбуки, һөкүмәт даирилири бу һәқтики уқтурушида, бу сахта медозиларни қачан қолға чүшүргәнликини тәпсилий көрсәтмигән.

Мәлум болушичә, бу сахта медузилар тәркибидә юқири миқдарда алюмин бар болуп, уни узун мәзгил истемал қилғанда улар адәмниң сөңәк, нерва системилирини бузғунчилиққа учритип, унтуғақлиқ кесилигә гириптар қилғандин сирт адәмни дөт қилип қойидикән.

Хәвәргә қариғанда, хуҗу йемәк базиридики яймичиға мал сатқан содигәр җеҗяң өлкисидә бу хилдики сахта медозилардин 10 тонна сатқан.

Бу алдамчилиққа четилған 6 гумандар тутулуп қелиштин илгири сахта медоза содисида 170 миң сом пайда алған.

Йемәкликтин зәһәрлиниш яки сахта йемәк сетип тутулуп қелиш һәдислири хитайда көрүлүп туриду.

2013-Йили хитайда 20 миң тонна сахтилиқ ишлитилгән гөш базарға селинғанлиқи, буларниң ичидә су уруп еғирлаштурған, чашқан вә түлкә гөшлиридин дора қошуп ишләнгән сахта кала -қой гөшлири барлиқи хәвәр қилинған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт