Sériqbuya yézisida yene xitay saqchilirigha hujum qilish weqesi yüz bérip, ikki xitay saqchisi öltürülgen

Maralbéshining sériqbuya yézisida yene xitay saqchilirigha hujum qilish weqesi yüz bérip, ikki xitay saqchisi öltürülgen, ikki nepiri éghir yarilandurulghan.

Tiyen'enmén aptomobil hujumining jiddiyliki téxi peseymigen weziyette meydan'gha kelgen bu hujum xitay axbaratlirining diqqitini tartmaqta.

“Tengritagh torini” ning xewer qilishiche, 16 - noyabir chüshtin kéyin sa'et 3:30 etrapida abla exet qatarliq 9 neper kishi qeshqer maralbéshi sériqbuya saqchixanisigha hujum qilip, 2 neper yallanma saqchini öltürgen, 2 neper saqchi yarilandurghan. Hujum qilghuchilar neq meydanda étip tashlan'ghan.

Xewerde bashqa hujumchilarning kimliki we hujum heqqidiki tepsilatlar ashkarilanmighan.

Bu shuning bilen bu yil sériqbuyada ikkinchi qétim weqe chiqishi.

Bu yil 23 - apiril sériqbuyada Uyghurlar bilen xitay hökümet xadimliri arisida toqunush yüz bérip, 15 neper xitay hökümetke xadimni öz ige alghan 21 adem ölgen idi.

Ilgiri xitay axbarati bu xildiki weqelerni asasen xewer qilmaytti, qilsimu xelq'ara axbaratlarda ashkarilan'ghandin kéyin azraq xewer qilishqa mejbur bolatti.

Bu nöwet da'irilerning néme sewebtin bu xewerni ashkara élan qilishni qarar qilghanliqi melum emes.