Uyghur élidiki 8 tebi'iy bayliq kani kim ashti qilip sétilidiken

Muxbirimiz irade
2019-05-30
Élxet
Pikir
Share
Print

30-May küni, xitayning shinxu'a torida élan qilin'ghan bir parche xewerdin qarighanda Uyghur rayonluq tebi'iy bayliqlar nazariti aldinqi küni Uyghur rayonidiki istratégiyelik kan bayliqliri chiqidighan 8 kanning ishlitish hoquqini xitay miqyasida kim ashti qilip sétishqa chiqarghan.

Xewerde körsitilishiche, bu kanlar ichide gherbiy ko'inlon malkansu margantés kénimu bar bolup, bu kanning yilliq ishlepchiqirish miqdari 10 ming tonnidin ashidighan bolup, Uyghur élidiki eng zor margénts tereqqiyat bazisi bolup qalghan iken.

Yuqirida kim ashti qilip sétilghan kanlar mis, nékil, qoghushun, silanétis, yer issiqliqi we bashqilardin terkib tapqan bolup, bu kanlarning sétilish bahasi 800 milyon yüendin bashlighan.

Xewerde éytilishiche, Uyghur aptonom rayon da'iriliri bundin awwal 9 kömür kénining ishlepchiqirish hoquqini kim ashti qilip sétip bolghan.

Chet'ellerdiki közetküchiler bu kanlarning kim ashti qilip sétilishi dégenlik ularning xitay shirketlirige ötküzülidighanliqi, bu shirketlerning ichkiridin xitay ishchilarni ekélip ishlitidighanliqidin dérek béridighan bolup, bular hemmisi aptonomiye qanunigha xilap ehwallar iken. Melum bolushiche, xitay hökümitige tewe karxanilar we shirketler yillardin buyan Uyghur élide türlük tebi'iy bayliq kanlirini échiwatqan bolup, bu xil kanlarda xizmet qilidighan asasliq ishchilar we téxniklar yerlik xelqlerdin bolmastin ichki xitaydin élip chiqilghan xitay ishchilar bolup kelgen. Xitay shirketliri échiwatqan tebi'iy gazliqlar, we néfitliklerning ishchi-xizmetchilirining mutleq zor qismini xitaylar igiligen. Échiliwatqan bu tebi'iy bayliqlardin shu yerdiki ahalilerning nep élishi cheklimige uchrighan.

Közetküchilerning diqqitini qozghighan yene bir mesile bolsa, muhit amili bolup, bu kanlarning bolupmu silanétis kanlirining qézilishining adette muhitqa keltüridighan ziyini intayin éghir bolidiken.

Toluq bet