Аммиви гуруһлар тибәт ана тил тәшәббусчиси таши ваңчуни қутқузуш һәрикити башлиди

Мухбиримиз әркин
2017-01-27
Елхәт
Пикир
Share
Принт

Чәтәлдики аммиви гуруһлар җүмә күни түрмидики тибәт ана тил тәшәббусчиси таши ваңчуни қутқузуш үчүн имза топлаш һәрикити башлиған. Сүргүндики тибәт таратқулириниң хәвәр қилишичә, имза топлаш һәрикити җүмә күни һиндистанниң дарамсала районида башланған. Һәрикәтни хәлқара кәчүрүм тәшкилати, әркин тибәт һәрикити, тибәт кишилик һоқуқ-демократийә мәркизи қатарлиқ тәшкилат вә аммиви гуруһлар башлиған.

Бу йил 31 яшлиқ таши ваңчу чиңхәй өлкиси йишу наһийәсиниң пуқраси болуп, у бултур 1‏-айда қолға елинған вә бөлгүнчилик билән әйибләнгән. Илгири америка «нюйорк вақти гезити» униң тибәтләр һәққидики қисқа филими-«тибәтләрниң дурустлуқ йоли» ни ишләшкә ярдәм қилған.

Сүргүндики тибәт кишилик һоқуқ тәшкилатлириниң билдүрүшичә, мәзкур қисқа филим наһайити ғулғула қозғиған болуп, таши ваңчу шу сәвәблик қолға елинған. Әмма у бурун изчил хитай һөкүмитини тибәтләрниң ана тилини қоғдашқа чақирип кәлгән.

Тибәт кишилик һоқуқ тәшкилатлириниң қәйт қилишичә, әгәр сот униң «җинайити» ни муқимлаштурса, униң 15 йиллиқ қамақ җазасиға һөкүм қилиниш еһтимали бар икән. Дарамсалада имза топлаш паалийити башланған күни йәнә, тибәтләр канаданиң торонто шәһири, америкиниң нюйорк шәһәрлиридә турушлуқ хитай дипломатик органлириниң алдида наразилиқ һәрикити елип барған.

Пикирләр (0)
Share
Толуқ бәт