Голмуд-корла төмүрйоли туташтурулди

Мухбиримиз әзиз
2020-07-21
Елхәт
Пикир
Share
Принт

«Хитай хәвәрлири тори» ниң 21-июлдики хәвиридә ейтилишичә, хитайдики чиңхәй өлкисиниң голмуд шәһиридин уйғурлар дияридики корла шәһиригичә созулған голмуд-корла төмүр йоли қурулушини туташтуруш қурулуши рәсмий тамамланған.

Хәвәрдә ейтилишичә, мәзкур линийә голмуд шәһиридин башлинип сәйдам ойманлиқи арқилиқ алтун тағдин кесип өтидикән һәмдә чақилиқ наһийиси арқилиқ корла шәһиригә баридикән. Үч йилда тамамланған, омуми узунлуқи 1200 километир болған бу төмүрйол линийәсидики пойиз қатнишиниң сүрити саитигә 120 километир болидикән.

Хитай һөкүмити йеқинқи йиллардин буян уйғурлар диярида көпләп айродром вә төмүр йол қурулуши қиливатқан болуп, муһаҗирәттики анализчилар бу қатнаш торлириниң нормал еһтияҗдин зор дәриҗидә ешип кәткәнликини алаһидә тәкитләп кәлмәктә. Шу сәвәбтин улар бу қатнаш йоллириниң йолучи тошушни әмәс, әксичә хитай һөкүмитиниң ғәрбкә ғайәт зор санда нопус көчүрүш һәмдә уйғурлар дияриниң йәр асти байлиқини техиму зор миқдарда йөткәп кетиш еһтияҗи үчүн оттуриға чиқиватқанлиқини алға сүрмәктә.

Пикирләр (0)
Share
Толуқ бәт