Уйғурлар дияридики “тор тазилиғучи” юмтал хәлқарада күчлүк ғулғула қозғиди

Мухбиримиз әзиз
2017-07-25
Share

Мушу айниң 10-күнидин башлап үрүмчи шәһиридики аһалиләрниң ян телефонлириға “тор тазилиғучи” намидики юмтални орнитиши тәләп қилинғанлиқи һәққидики хәвәр хәлқара мәтбуатларда кәң йәр елип, “хитай һөкүмитиниң уйғурларни контрол қилишидики йеңи тәдбир” дәп тәнқидләнди.

Мәлум болушичә, бу юмтал янфонлардики “террорлуқ вә зораванлиқ” мәзмунидики һәрқандақ материялни аптоматик байқиялайдикән һәмдә өчүрәләйдикән. Шуниң билән биргә, телефонниң игиси бихәвәр әһвалда янфондики абонт кимлик картиси (SIM), симсиз торға чиқиш учури, шуниңдәк үндидар вә башқа әпләр арқилиқ өткән барлиқ учурларни мулазимәт мәркизигә йоллап берәләйдикән. Һазир йол-йоллардики сақчилар өткүнчиләрниң телефонлирида ашу юмталниң бар-йоқлуқини қаттиқ тәкшүрүшни башливәткәнлики мәлум.

Пүткүл уйғурлар дияриға омумлишиш алдида турған бу тәдбир һәққидики хәвәрләр инглиз, фирансуз, герман, италян қатарлиқ тиллардики ахбарат васитилиридә берилгән. Бу һәқтә “инсан һәқлирини көзитиш тәшкилати” дин мая ваң пикир қилип “шинҗаңда хитай сақчилири халиғинини қилалайду, һечкимму уларға қарши чиқалмайду. Әслидә хәлқниң аманлиқини қоғдаш мәҗбурийити болған хитай сақчилириниң бу йосунда хәлқниң янфонлирини тәкшүрүши, әмәлийәттә қопаллиқ билән хәлқниң хусусий турмушиға арилашқанлиқ” дәп көрсәткән.

Түрлүк учур мәнбәлири бирдәк, хитай даирилириниң уйғурлар дияридики “зораванлиқ вә террорлуқ” вәқәлирини һәрқачан уйғурлар билән мунасивәтлик, дәп тәшвиқ қиливатқанлиқини баян қилиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт