Мисирни саяһәт қилған тиҗарәтчи әмәт мәмәт иккинчи рәт қәшқәрдә тутқун қилинған

Мухбиримиз шөһрәт һошур
2018-01-17
Елхәт
Пикир
Share
Принт

Қәшқәр шәһәрлик часа аманлиқ мудириниң өткән һәптә мухбиримизға ашкарилишичә, қәшқәр өрүк базирида тиҗарәт қиливатқан әмәт мәмәт 2016‏-йили тарқақ һәҗ қилип кәлгәнлики һәм бу сәпиридә мисирни саяһәт қилғанлиқи үчүн бултур 3‏-айда бир қетим тутқун қилинип бир айчә соал-сорақтин кейин қоюп берилгән.

Мәлум болушичә, даириләр аридин 6 ай өткәндә уни йәнә бир қетим тутқун қилған. Кейинки тутқунда у қәшқәр шәһәрлик 5‏-оттура мәктәптики «йепиқ тәрбийәләш мәркизи» гә апирилған. Часа аманлиқ мудириниң баянлиридин мәлум болушичә, әмәт мәмәт мисирни зиярәт қилғанда пәқәт у йәрдики әрзанчилиқни көздә тутуп вә һәҗ вақтини күтүп вақит өткүзүш үчүн барған икән. У мисирдики мәзгилидә әзһәрдики оқуғучилардин өзини қачуруп йүргән, тарқақ һәҗ қилған мәзгилидиму уйғур җамаитидин өзини узақ тутқан болсиму, юртиға қайтқанда йәнила тутқундин халий болалмиған.

Часа аманлиқ мудири йәнә тиҗарәтчи әмәт. Әмәтниң биринчи қетим өзи ялғуз тутулғанлиқи, иккинчи қетимда болса аяли билән бирликтә тутулғанлиқини баян қилди. Униң ейтишичә, нөвәттә әмәт мәмәт «тәрбийәләш мәркизи» дә, аяли болса тутуп туруш мәркизидә икән. Часа аманлиқ мудири әмәт мәмәтниң аялиниң тутулуш сәвәбидин хәвәрсизликини ейтти.

Пикирләр (0)
Share
Толуқ бәт