Санҗидики һөкүмәт органлириға бир қетимдила 762 нәпәр хизмәтчи хадим қобул қилиниши диққәт қозғиди

Мухбиримиз ирадә
2021-09-30
Share

Хитайниң һөкүмәт авази болған "шинҗаң хәвәрләр тори" йеқинда санҗи областлиқ һөкүмәт органлириға җәмий 762 нәпәр хизмәтчи хадим қобул қилидиғанлиқи һәққидә уқтуруш чиқарған.

Санҗи областидин ибарәт вилайәт дәриҗилик бир мәмурий орунниң һөкүмәт органлириға бир қетимдила бунчә көп хизмәтчи хадим қобул қилиниши көзәткүчиләрниң диққитини қозғиди. Уларниң қаришичә, асаслиқ нопуси хитай вә туңганлардин тәркиб тапқан санҗи областиниң һөкүмәт органлириға бир қетимдила бунчә көп адәм қобул қилиниши, районға "ихтисаслиқ хадим" вә яки "пидаий" дегән намларда хитай өлкилиридин көчүрүлүватқан хитай көчмәнләрниң алаһидә көплүкидин дерәк беридикән.

Униңдин сирт хизмәтчи қобул қилиш еланида бу нөвәт ишқа қобул қилинидиғанларға "аптоном районлуқ интизам тәкшүрүш комитети, адәм күчи байлиқи тармақлириниң йолйоруқи бойичә оқуш тарихи вә асасий қатламда әң аз дегәндә 8 ай хизмәт қилған болуш дегәндәк шәртләр қошулғандин башқа йәнә "асасий қанун вә қанунларға риайә қилиш, партийәниң линийиси, көрсәтмиси вә сияситини қоллаш, миллий иттипақлиқни қоғдаш, миллий бөлгүнчилик вә қанунсиз диний паалийәтләргә қарши туруш" қатарлиқ кәскин сиясий тәләпләрму қоюлған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт