Pitir nawarro:" 'wuxen wirusi' amérikaning xitaygha qaratqan jaza tedbirlirini toxtitip qalalmaydu"

Muxbirimiz irade
2020-01-30
Élxet
Pikir
Share
Print

Aqsarayning iqtisad meslihetchisi pitir nawarro amérikaning xitaygha qoyghan sodidiki jaza tedbirlirining xitay iqtisadi "Wuxen wirusi" sewebidin chékin'gen teqdirdimu izchil dawam qilidighanliqini tekitlidi.

Amérikadiki "CNBC" téléwiziyesining xewer qilishiche, amérika soda saheside eger xitayning iqtisadi "Wuxen wirusi" sewebidin ziyan'gha uchrighan teqdirde, amérikaning xitaygha qoyghan soda jaza tedbirlirini bikar qilidighanliqi heqqide xewerler tarqalghan. Biraq amérika aqsarayning iqtisadiy ishlar meslihetchisi pitir nawarro buni ret qildi.

U "CNBC" téléwiziyesining bu heqtiki so'algha jawab bérip: "Bu wal-strit pay chéki baziridin tarqalghan gep. Ular bundaq bir éhtimalliqni munazirige qoyush arqiliq kiriziske paydisiz weziyet peyda qiliwatidu," dégen.

Pitir nawarro amérikaning xitaygha qoyghan jaza tedbirlirini bikar qilmaydighanliqini tekitlep: "Biz bu jaza tedbirlirining néme üchün qoyulghanliqini untup qalmayli, bu tedbirler xitay özining dölet karxanilirini qollash arqiliq amérika shérketliri we amérika emgekchilirini tijarettin mehrum qilghanliqi üchün qoyulghan," dégen.

Amérika-xitay arisidiki soda urushi bashlan'ghandin buyan her ikki terep bir-birining mallirigha milyardlarche dollar qimmitide tamozhna béji qoyghan. 15-Yanwar küni amérika-xitay arisida "Birinchi basquchluq soda kélishimi" imzalinip, kirizisni hel qilishqa tunji qedemni alghan. Biraq bu kélishimde amérikaning xitay mallirigha qoyghan jaza tedbirlirini bikar qilish heqqidiki maddilar orun almighan.

Toluq bet