Корона вирусиниң оттура асия әллиридә тиз сүрәттә ямраватқанлиқи мәлум

Мухбиримиз җүмә
2020.07.12
Share on WhatsApp
Share on WhatsApp

Корона вирусиниң оттура асия әллиридә тиз сүрәттә ямраватқанлиқи мәлум. “вийон” агентлиқиниң хәвәр қилишичә, қазақистанда пәйшәнбә 1 миң 962 нәпәр, җүмә күни 1 миң 726 нәпәр юқумдар байқилип, бу икки күн һазирға кәлгүчә йеңи юқумдар лар әң көп байқалған күн болуп қалған. Шәнбә күнигичә байқалған корона вируси юқумдарлири сани 55 миң нәпәргә йәткән. Буларниң арисида 264 адәм қаза қилған.

Хәвәрдә көрситишичә, қазақ президенти қасим җомарт тоқайев шәнбә күни ички кабинет әзалириға корона юқум вәзийити тизгинләнмәйдикән кабинетни тарқитиветидиғанлиқи һәққидә тәһдит салған.

Җүмә күни дуня сәһийә тәшкилати қазақистан вәзийитини йеқиндин көзитиватқанлиқини билдүргән.

“азадлиқ” радийосиниң хәвәр қилишичә, қирғизистанда корона юқумдарлириниң көпийишигә әгишип, һөкүмәт даирилири вақитлиқ дохтурханиларни җиддий көпәйтишкә башлиған. 

Бу хилдики дохтурханилар талас, җалалабад, баткәнт вә иссиқ көл қатарлиқ районларда бирла вақитта көпәйтилгән.

Бәзи хәвәрләрдә көрситилишичә, 12-июлғичә қирғизистанда дәлилләнгән корона вируси юқумдарлириниң сани 10 миң 629 ға йәткән.

Өзбекистандики юқумдар лар сани 12 миң 855 кә, қаза қилғанлар сани 60 қа йәткән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт