Бир мейип яш хитай һөкүмити вә хәлқара җамаәткә мураҗиәт елан қилди

Мухбиримиз ирадә
2013.07.01

Өзиниң уйғур районидики мейип яш икәнликини әскәрткән бир радио аңлиғучимиз, бүгүн радиомизға мәктуп йоллап, йеқиндин буян пичан, маралбеши вә хотәндә йүз бәргән вәқәләр һәққидә пикир баян қилған.

У мәктупида, йеқинқи вәқәләрниң түп йилтизи, хитай һөкүмитиниң милләтләр сиясити икәнликини әскәртип, хитай мәркизи һөкүмитидин райондики сияситини өзгәртишни тәләп қилған. Сиясәт өзгәрмисә қанлиқ вәқәләрниң тинчимайдиғанлиқини әскәрткән мейип яш, хитай һөкүмитидин алди билән районға көчмән йөткәшни тохтитишни тәләп қилған.

Хитай һөкүмитини диний әркинликкә һөрмәт қилишқа, ишқа орунлаштуруштики тәңсизликни түгитишкә дәвәт қилған яш, хәлқара җамаәткиму мураҗиәт қилип,, кишилик һоқуқ тәшкилатлириниң уйғур районида вәзийәтни көзитидиған даимлиқ ишхана ечишини тәләп қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.