Pa'aliyetchan oqughuchilar dangliq markiliq kiyim shirketlirini “Uyghurlarni derhal qoyup bérish” ke chaqirghan

Uyghurlarning xitay hökümitining qebih ziyankeshlikige uchrap ölüp kétiwatqanliqi, hayat qalghanlirining qiyin-qistaqta yashawatqanliqi we mejburiy emgekke séliniwatqanliqi heqqidiki xeweler xelq'aragha keng tarqalghandin kéyin, insanliq tuyghusi we wijdani ölmigen yashlarning, jümlidin ot yürek oqughuchilarning her qaysi döletlerde Uyghurlarni qutuldurush üchün qolidighan kélishiche her türlük pa'aliyetlerni qiliwatqanliqi melum.

“Popsugar” torining 28-yanwar xewer qilishiche, “Uyghurlarni derhal qoyup bérish” uyushmisining tesnim bénalla (Tasnim Benalla) qatarliq aktip ezaliri dangliq markiliq kiyim shirketlirining xitaydiki mejburiy emgek mehsulatliridin qol üzüshini telep qilghan. Tesnimning bildürüshiche, mejburiy emgek hazir shirketler qobul qilalmaydighan bir ish bolmastin, belki normal ishqa aylinip qalghan. Bu intayin xeterlik yüzlinish iken. Chünki kishilerge ögitilgen istémal aditi erzan mal élish bolup, u malning nedin kelgenliki, qandaq ishlepchiqirilghanliqi muhim bolmighachqa, shirketlerdin tartip istémalchilarghiche hemmisi mejburiy emgek mehsulatliridin kélidighan paydigha qiziqidiken.

Xewerde bildürülüshiche, Uyghurlargha yardem bérish oqughuchilar herikiti eng bashta yél uniwérsitéti oqughichilirining “Uyghurlarni qoyuwet” dégen xet bésilghan kiyimni kiyishidin bashlan'ghan bolup, 2020-yil tesnim qatarliq pa'aliyetchan oqughuchilar nyu-york moda kiyim heptilikide bir meydan namayishqa yétekchilik qilghan.