«Вашингтон почтиси» гезити: «ши җинпиң өзигә хас һакиммутләқлиқ билән хитайни боғмақта»

Мухбиримиз ирадә
2019-11-07
Елхәт
Пикир
Share
Принт

 

6-Ноябир күни «вашингтон почтиси» гезитидә «ши җинпиңниң өзигә хас һакиммутләқлиқ арқилиқ хитайни боғуши» мавзулуқ бир парчә мақалә елан қилинди.


Америкадики даңлиқ хитай ишлири мутәхәссиси, язғучи җон помферт тәрипидин елан қилинған мақалидә ши җинпиң хитайда һакимийәт бешиға кәлгәндин буян мутләқ контролни ишқа ашуруш үчүн иҗтимаий һоқуқларға үзлүксиз зәрбә бәргәнлики баян қилинған.

Мақалидә мундақ дейилгән: «ши җинпиң дөләт миқясида бир милйондин ошуқ кадир-әмәлдарни вә өзиниң сиясий рәқиблирини ‹чирикликкә қарши туруш' нами астида йиғиштурди, униң һакимийити әң һәрикәтчан район болған шинҗаңни қаттиқ бастурди. У бу районда бир милйондин ошуқ уйғурни йиғивелиш лагерлириға қамиғанлиқи үчүн һечқандақ җазаға тартилмиди.» 

Аптор җон помферт йәнә мақалисидә хитайниң һазирқи тәрәққиятиниң һәргизму компартийәниң нәтиҗиси әмәсликини тәкитләп, әксичә униң хитай хәлқиниң техиму яхши яшаштәк арзулириға палта чепиватқанлиқини, униң академийә, ахбарат, қанун вә башқа саһәләрни бастурупла қалмай, бәлки иқтисад вә қанун саһәлириниму контрол қилишқа өткәнликини баян қилған. У мақалисидә хоңкоң вә уйғур районини нөвәттә хитай һөкүмити үчүн зор риқабәт тәшкил қиливатқан икки район, дәп көрсәткән.

Толуқ бәт