Чәтәл таратқулири хитай армийәсиниң әҗәллик аҗизлиқи ашкарилинип қалғанлиқини хәвәр қилди

Хитай һөкүмити өз хәлқи вә ташқи дуняға һәрбий күчиниң наһайити қудрәтлик икәнликини көз-көз қилишқа амрақ болсиму, бирақ хитай өзиниң бир қатар һәрикәтлири арқилиқ мәқсәтсиз рәвиштә бу әҗәллик аҗизлиқини ашкарилап қойған.

"асия сода" гезитиниң ашкарилишичә, хитай армийисиниң әң әҗәллик аҗизлиқи униң җәңгиварлиқ роһиниң аҗизлиқи икән. Хәвәрдә хитайниң "бир пәрзәнтлик" сиясити буниңға түрткә болған амилларниң бири икәнлики, һазирқи хитай әскәрлириниң 70 пирсәнти ялғуз пәрзәнт болуп, уларниң урушта өлүшни халимайдиғанлиқи илгири сүрүлгән.

Хәвәрдә ейтилишичә, бу амиллар униң ғәрбидики чөллүк районлирида қитәләр ара ядролуқ йеңи балистик башқурулидиған бомба базилирини қуруши, шундақла бир пәрзәнтлик пиланлиқ туғут сияситини бикар қилишиға түрткә болған. Хәвәрдә йәнә хитайниң йеқинқи 10 йилдин бери җәнубий деңизда сүний аралларни қуруп, радар, башқурулидиған бомба қатарлиқ һәрбий әслиһәләрни, истиратегийәлик ядролуқ су асти парахотлирини орунлаштурған болсиму, бирақ уруш партлап қалса, хитайниң бу районларни қоғдап қелишқа ишәнчисиниң йоқлуқи билдүрүлгән.

Хәвәрдә мутәхәссисләрниң бу амиллар немә үчүн хитайниң ғәрбидики чөллүк районларда алдирап-салдирап йеңи қитәләр ара башқурулидиған бомба базилирини қурушқа башлишиниң сәвәби, дәп көрсәткәнлики тәкитләнгән. Хәвәрдә ейтишиличә, хитай өткән 25 йил ичидә һәрбий чиқимни көпәйтип, һәрбий парат вә деңиз армийә маниверлирини елип барған болсиму, бирақ башқурулидиған бомба вә танка һәрбий күчниң пәқәт бир тәркибий қисми болуп, униң җәңгиварлиқ роһиға охшаш көзгә көрүнмәс йәнә бир қисмиму бар икән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар