Хитайниң сабиқ муавин җ х министири парихорлуқ билән әйиблинип сотланди

Хитай җ х министирлиқиниң сабиқ муавин министири ли дуңшең чаршәнбә күни тйәнҗин шәһиридә сотланди. У, парихорлуқ билән әйиблинип сотланған сабиқ компартийә мәркизи сиясий қанун комитети секретари җу юңкаңға четишлиқ йәнә бир юқири дәриҗилик әмәлдар.

Шинхуа агентлиқиниң ашкарилишичә, тйәнҗин шәһәрлик тәптиш даирилири ли дуңшеңни һоқуқини суйиистемал қилип, хизмәт йөткәш, өстүрүш ишлирида парихорлуқ қилиш, бу җәрянда 22 милйон йүән пара елиш билән әйиблигән.

Ли дуңшең илгири җ х министирлиқиниң фалунгоң вә шинҗаңға алақидар "террорлуқ һәрикәтлири" ни бастуруш қатарлиқ вәзипилирини атқурған

У, мушу бир һәптә ичидә парихорлуқ билән әйиблинип сотланған җу юңкаңға йеқин 3-әмәлдар. Бу һәптиниң башлирида, җу юңкаңниң "җуңго дөләтлик нефит ширкити"дә биргә ишлигән орунбасари ваң йүңчүн билән мәзкур ширкәтниң сабиқ мудири җяң җйемин сотланған. Җяң җйемин 16 йиллиқ, ваң йүңчүн 20 йиллиқ қамақ җазасиға һөкүм қилинған. Әмма диққәт қилишқа тегишлик йери, нефит-ениргийә вә җ х сепидики бу 3 әмәлдарниң һәммиси уйғур ели билән алақидар шәхсләр икәнликидур.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар