Дана рорабаһер: хитай хәлқини яхши көримән, ит гөши йесиму; әмма һөкүмитини әмәс

Мухбиримиз шөһрәт һошур
2018-02-21
Share

Америка авази радийосиниң зияритини қобул қилған америка дөләт мәҗлиси әзаси дана рорабаһер(Dana Rohrabacher), хитай-америка мунасивити һәққидә мәхсус пикир баян қилған.

Авам палатаниң тәҗрибилик әзаси болған дана рорабаһер хитай коммунист һакимийитигә қарши мәйданидики қәтийлики вә үзлүксизлики билән тонулған.

У бу қетимқи сөһбәт хатирисидә коммунистик һакимийәт, шималий корейә мәсилиси, америка-хитай сода уруши вә хитайдики кишилик һоқуқ мәсилиси қатарлиқ мәсилиләрдә әтраплиқ пикир баян қилған. У бу қетимқи сөһбити давамида өзиниң хитайға қарши мәйданиниң чеграсини ениқ көрсәткән.

У мухбирниң «чаған келиватиду, җуңгодики аңлиғучиларға қандақ сөзлириңиз бар?» дегән соалиға мундақ җаваб бәргән:
«Америкида бәзи кишиләр хитай хәлқини ит гөши йегәнлики үчүн яхши көрмәйду, әмма билиниши керәкки, америкидиму тошқан гөши қатарлиқ кичик һайванларниң гөшини йәйдиғанлар бар, шуңа мән уларниң ит гөши йейишигә қарши әмәс; көп сандики америкилиқлар худди маңа охшаш, хитай хәлқини яхши көриду, әмма һөкүмитини әмәс; хитай һөкүмити дуняниң кәлгүси тинчлиқи үчүн тәһдит».

Дана рорабаһер  бу сөзлиридин кейин йәнә өзиниң хитай хәлқиниң дости икәнлики, йеқин кәлгүсидә гүзәл бир дуня бәрпа қилиш үчүн хитай хәлқи билән һәмкарлишишқа тәйяр икәнликини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.