Мәсулийәтни қоғдаш дунявий мәркизи "йәзидиләр вә уйғурларға қарши җинайәтләр" һәққидә тор йиғини өткүзгән

Мухбиримиз әркин
2021-03-24
Share

Американиң ню-йорк шәһридики "мәсулийәтни қоғдаш дунявий мәркизи" 23-март уйғурлар вә ирақтики йәзидиләр һәққидә тор йиғини өткүзүп, уйғурлар билән йәзидиләр учриған мәдәнийәт бузғунчилиқи вә ирқий қирғинчилиқни музакирә қилған. Йиғинда бу хәлқләр учриған бузғунчилиқ вә қирғинчилиқниң пәрқлиқ вә охшашлиқ тәрәплири селиштурулуп, бу икки хәлқниң мәдәнийәт мираслириға системилиқ бузғунчилиқ қилиниш, тарихи излири вә симвуллири вәйран қилиниш, мәдәнийәт изчиллиқи үзүп ташлинип, мәвҗутлиқиға тәһдит селиништәк хәвпләргә дуч кәлгәнлики шәрһийләнгән.

Йиғинда "мәсулийәтни қоғдаш дунявий мәркизи" ниң муавин иҗраийә дериктори савита павндай уйғурлар һәққидә тохтилип, хитайниң уйғур мәдәнийитини ғәрәзлик вәйран қилиш билән бир вақитта йәнә уйғур хәлқигә "кәң көләмлик вә системилиқ зиянкәшлик қиливатқанлиқи", хитайниң һәркити "инсанийәткә қарши җинайәт вә ирқий қирғинчилиқни тәшкил қилидиғанлиқи" ни билдүргән.

Бу йиғинға әркин асия радийоси уйғур бөлүминиң хадими бәһрам синташ мустәқил тәтқиқатчи сүпитидә қатнишип, уйғур мәдәнийәт мираслириниң бузғунчилиққа учраш әһвали, хитай һөкүмити тәрипидин йеқинқи 3-4 йил ичидә чеқип ташланған яки буғунчилиққа учриған мәсчит, мазар вә қәбристанлиқлар һәққидә доклат бәргән. У хитай һөкүмитиниң "уйғур мәдәнийәт мираслириға қаратқан бузғунчилиқи хитайниң уйғурларни йоқутуштин ибарәт ирқий қирғинчилиқиниң бир парчиси" икәнликини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт