Ақсу вилайитидә хитай мәдәнийити тәшвиқати йиғини ечилған

Мухбиримиз җәвлан
2021-01-06
Share

Хитай таратқулириниң йеқинда бәргән хәвиригә қариғанда, ақсу вилайитидә "шинҗаңни мәдәнийәт арқилиқ озуқландуруш хизмити" сөһбәт йиғини ечилған. Йиғинда "шинҗаңни мәдәнийәт арқилиқ озуқландуруш" тики 10 түрлүк қурулушни тәшкилләш, қанат яйдуруш тәләп қилинған.

Бу йәрдики "мәдәнийәт арқилиқ озуқландуруш" дегини, уйғур районидики һәр милләт кадирлири вә аммини "мәдәнийәт" арқилиқ тәрбийәләп, ши җинпиңниң йеңи дәвр сотсиялизм идийәсини өгитип, уларда җуңхуа миллити ортақ гәвдиси еңи вә сотсиялистик ядролуқ қиммәт қаришини турғузуш икән.

Йиғинда йәнә хитайниң әнәниви мәдәнийити, инқилап мәдәнийити, сотсиялистик мәдәнийитиниң йетәкчилик ролини җари қилдуруп, "мәдәнийәт арқилиқ адәмни тәсирләндүрүш, мәдәнийәт арқилиқ адәмни тәрбийәләш, мәдәнийәт арқилиқ қәлб етизини суғириш, кишиләр қәлбини муҗәссәмләш, яхши адәт йетилдүрүп начар адәтни өзгәртиш" тәләп қилинған.

Анализчиларниң қаришичә, "мәдәнийәт билән озуқландуруш" дегини хитайниң "уйғур районида мәдәнийәт йоқ, кәм яки қалақ" дегәнлики болуп, мушундақ күлкилик шоарлар билән уйғур районида мәдәнийәт зораванлиқи йүргүзмәктә икән. Мәлум болғинидәк, хитай һазир өз һакимийитиниң муқимлиқи үчүн компартийә идиологийисини, башқа милләтләрни ассимилатсийә қилиш үчүн хитайниң кона мәдәнийитини күчәп тәшвиқ қиливатқан болуп, уйғур қатарлиқ милләтләрниң диний вә миллий мәдәнийитини йоқитиш қәдимини мисли көрүлмигән дәриҗидә тезләткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт