Хитайда йәнә өсмүрләргә пичақ билән һуҗум қилиш вәқәси йүз бәрди

Хитайда йәнә өсмүрләргә пичақ билән һуҗум қилиш вәқәси йүз берип 7 адәм яриланған болуп, хитай ахбарати һуҗумчиниң “роһи кесәл” икәнликини билдүрди.

Һуҗум сәйшәнбә күни кәчқурун гуаңдуң өлкиси мавниң шәһиридә йүз бәргән. Һуҗумда мәктәптин қайтиватқан 6 өсмүр вә нәқ мәйданда бар бир аял яриланған.

Мавниң шәһәрлик һөкүмәт баянатчисиниң билдүрүшичә, гумандар қолға елинған, зиянкәшликкә учурғучиларниң әһвали турақлашқан.

Гумандар бу йил 32 яшқа киргән ляв исимлик хитай әр икән.

Сақчи вә һөкүмәт даирилири бу һәқтики баянатида гумандарниң роһий кесәл икәнликини илгири сүрүп, вәқәниң җәряни вә сәвәбини ашкарилимиған.

Хитайда мәктәп оқуғучилириниң һуҗумға учраш вәқәлири көп учрайду.

Өткән йили декабирда хенән өлкисидә бир хитай әр мәктәпкә һуҗум қилип 23 өсмүрни чанап яриландурған иди.

Әйни чағда хитай ахбарати бу гумандарниңму “роһий кесәл” икәнликини илгири сүргән иди.