Хитайниң санаәт ишләп чиқириш қиммити йәнә төвәнлиди

Мухбиримиз җүмә
2013.07.24

Хитайниң санаәт ишләп чиқириш қиммити бу айда йәнә төвәнлиди. Бу айдиму хитай иқтисадида өткән 11 айдин буян давам қиливатқан төвәнләш һалитидә яхшилиниш болмиди.

Әнглийәгә тәвә хоңкоң-шаңхәй банка системиси гуруһи: HSBC ниң чаршәнбә күнидики доклатиға қариғанда, хитай санаәт ишләп чиқириш қиммитидики бу хил төвәнләш хитай рәһбәрлиридә бесим пәйда қилған.

Доклатқа қариғанда, хитайдики хам әшя сетивелиш көрсәткүчиму бу айда өткән айдики 48.2 Поинттин 47.7 Поинтқа чүшүп қалған.

Әгәр, 100 поинтлиқ бу көрсәткүч 50 поинттин төвәнләп кәтсә, бу иқтисадий тәрәққият көлиминиң тарийиватқанлиқини көрситидикән.

Сәйшәнбә күни, хитай баш министири ли кечяң хитай ахбаратиниң зиярити қобул қилип, хитай иқтисадидики бу хил астилашни тилға алған вә өсүш нисбити 7 пирсәнттин товән болса қәтий болмайдиғанлиқини билдүргән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.