Америка бәш хитай ширкитини “пай чеки базиридин чиқириветидиған ширкәтләр” тизимликигә киргүзгән

Мухбиримиз әркин
2022-03-11
Share

Америка пайчики базирини башқуруш комитети хитайниң бәйчи шенҗов, бәйшиң җоңго, зәйдиң доригәрлик чәклик шеркити қатарлиқ 5 ширкитини америка пайчеки базиридин чиқирилидиған ширкәтләр тизимликигә киргүзгән.

Америка пайчеки башқуруш комитетиниң бу қарари американиң 2020-йили 12-айда йолға қоюлған чәт әл ширкәтлириниң җавабкарлиқ қануниға асасән чиқирилған. Бу қанунда америка пайчеки базиридики америкалиқ назарәтчиләрниң малийә мәшғулатини тәкшүрүшигә йол қоймиған чәт әл ширкәтлирини ениқлап чиқиши тәләп қилинған.

Бу ‍америка пайчеки башқуруш комитетиниң мәзкур қанун иҗра қилинишқа башлиғандин бери тунҗи қетим бу хил ширкәтләрни ениқлап тизимликкә киргүзүшидур. “вол-стерет жорнили” гезитиниң ейтишичә, юқириқи бәш ширкәт қанунға асасән 3-айниң 29-күнигичә америка пайчеки башқуруш комитетиға өзлириниң малийә мәшғулатиға аит дәлилләрни тапшуруши керәк икән. Бу бәш ширкәт бәйчи шенҗов, бәйшиң җоңго, зәйдиң доригәрлик чәклик шеркити, ACM, хехуаң доригәрлик ширкити қатарлиқларни өз ичигә алидикән.

“вол-стерет жорнили” гезитиниң ейтишичә, америка пайчеки базирини башқуруш комитети 10-март юқириқи ширкәтләрниң тизимликкә елинғанлиқини елан қилғандин кейин, бу ширкәтләрниңмо пай чеки җиддий чүшүп кәткән. Хәвәрдә али бабаниң пай чеки 10 пирсәнттәк чүшкәнлики, бәйшиң җоңгониң пай чеки 15 пирсәнт чүшүп кәткәнликини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт