Хитай әмәлдари хәлқара һәмкарлиқни күчәйтип «террорлуқниң мәнбәси» ни қурутушни тәләп қилди

Мухбиримиз әркин
2018-05-28
Елхәт
Пикир
Share
Принт

Хитайниң бихәтәрлик ишлириға мәсул юқири дәриҗилик бир әмәлдари 26‏-апрел күни хәлқара һәмкарлиқни күчәйтип «террорлуқниң мәнбәси» ни йоқитишни тәләп қилған. Бу сөзләрни хитай дөләт ишлири комиссари, хитай җамаәт хәвпсизлик министири җав кеҗи өткән җүмә күни чақирилған бир қетимлиқ телефон йиғинида тәкитлигән. Шинхуа агентлиқиниң хәвиридә баян қилинишичә, йиғинда җав кеҗи истихбарат топлашни күчәйтиш вә сиңип киришкә қарши техиму кәскин тәдбирләрни елишниң зөрирликини илгири сүргән.

Хәвәрдә җав кеҗиниң истихбарат топлаш вә сиңип киришкә қарши конкрет қандақ тәдбирләрни елишни тәләп қилғанлиқи тилға елинмиған болсиму, бирақ у «мәсилиниң йилтизини һәл қилидиған тәдбирләрни елиш вә террорлуққа қарши туруш хизмитини күчәйтиш зөрүр,» дегән. Хәвәрдә йәнә җав кеҗиниң «террорлуққа қарши хәлқаралиқ һәмкарлиқни күчәйтип, террорлуқниң озуқлиниш мәнбәсини вәйран қилиш» ни тәләп қилғанлиқини билдүргән.

Көзәткүчиләрниң илгири сүрүшичә, җав кеҗиниң хитай һөкүмити уйғурларниң диний етиқад, мәдәнийәт, тил, өрп- адәт вә турмуш усуллирини әсәбиликниң мәнбәси дәп қарап қаттиқ чәкләватқан, аз дегәндә бир милйондәк уйғурни йиғивелиш лагерлириға қамивалған, уйғурларни омумйүзлүк қамал астиға алған бир мәзглдә бу сөзләрни қилиши диққәт қозғайдикән. Хитай һөкүмитиниң «террорлуқ» қа, «ашқунлуқ» қа қарши намда йолға қойған юқириқи тәдбирлири йеқиндин бери хәлқара җәмийәтниң диққитини қозғашқа башлиған. Йеқинда америкиниң б д т да турушлуқ дипломатлири хитайниң террорлуқини баһанә қилип, уйғурларни бастуруватқанлиқи, йиғивелиш лагерлирини қуруп, йүз миңлиған уйғурни қамиғанлиқини қаттиқ тәнқид қилған иди.

Пикирләр (0)
Share
Толуқ бәт