Мичел бачелетниң болғуси хитай зиярити зор ғулғула қозғиди
Хитай һөкүмити йеқинда бирләшкән дөләтләр тәшкилати (б д т) кишилик һоқуқ алий кеңишиниң рәиси мичел баелетниң зиярәттә болуш тәлипигә қошулған.
Ройтерс агентлиқиниң 8-марттики хәвиридә ейтилишичә, мичел бачелетниң хитай зиярити май ейиға орунлаштурулған болуп, бу җәрянда у башлап барған өмәк уйғур дияридиму зиярәттә болидикән. Дуня уйғур қурултийи (д у қ) бу мунасивәт билән дуняниң һәрқайси җайлиридики 200гә йеқин пуқравий тәшкилатлар билән бирликтә коллектип баянат елан қилип, мичел бачелеткә “шәрқий түркистандики дәпсәндичлик һәққидә тәйярлап чиққан доклатни тездин елан қилишиңларни тәләп қилимиз” деди.
Коллектип баянатта ейтилишичә, мичел бачелет уйғурлар һәққидики бу доклатниң 2021-йили декабир ейида елан қилинидиғанлиқини ейтқан болсиму, әмма та һазирғичә елан қилинмиған. Д у қ ниң рәиси долқун әйса бу һәқтә сөз қилип “мичел ханимниң хитай зиярити бәкму уштумтут елан қилинди. Әмма мәсилә уларниң шәрқий түркистанда чәклимисиз зиярәт қилиш имканиға игә болуш яки болалмаслиқида” дегән.
Мәлум болушичә, хитай һөкүмити мичел бачелетниң хитайда, җүмлидин уйғур диярида тәкшүрүштә болуш тәлипини түрлүк баһаниләр билән рәт қилип кәлгәниди. Бир қисим чәтәл ахбарат васитилири тәкшүрүш вә екискурсийәдә болған “тәрбийәләш мәркизи” ниң әмәлийәттә алдин тәйярланған орунлар икәнликиму башқа учурлардин мәлум болғаниди.
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- Д у қ пүтүн дунядики уйғурларни “5-июл үрүмчи қирғинчилиқи” ниң 13 йиллиқини хатириләшкә чақирди
