Xitaydiki balilar arisida sirliq nepes yoli késelliki tarqalghan

Washin'gtondin muxbirimiz uyghar teyyarlidi
2023.11.30

Amérika néwiz (Knewz.com) Torining 29- noyabirdiki xewirige asaslan'ghanda, xitaydiki balilar we yashan'ghanlar arisida sirliq bir nepes yoli yuqumluq késili shiddet bilen tarqilishqa bashlighan. Xitay  da'iriliri sehiye tarmaqlirigha yéngidin tarqiliwatqan bu yuqumluq késellikning yenimu kéngiyip kétishning aldini élish we kontrol qilishqa buyruq chüshürgen.

Xitay hökümiti yene tébbiy xadimlardin bu wirusluq késellikning heqiqiy sewebini tépip chiqishni telep qilghan, shundaqla  bu késellikning hazirqi tarqilish ehwalini ashkarilimasliqini bildürgen.

Xitaydiki ismini ashkarilashni xalimighan bir yuqiri derijilik xitay emeldarlirining déyishiche, xitay rehbiri shi jinping bu sirliq nepes yoli késellikini “Öpke yallughi” yaki “Tarqilishchan zukam” dep atash arqiliq, uning xitay jem'iyitide wehime peyda qilishining aldini élish toghriliq “Mexpiy körsetme” bergen iken.

“Dewr géziti” ning ilgiri sürüshiche, béyjingda turushluq chet el axbarat wasitelirining atalmish “Öpke yallughi” yaki “Tarqilishchan zukam” toghrisida xewer bérishige yol qoyulmighan. Xitay dölet ichidiki taratqularningmu bu yuqum toghrisida xewer bérishi cheklen'gen. Xitay ichide hetta bu yuqumluq wirusning amérikadin xitaygha kirgenliki heqqidiki tor munazirilirimu körülüshke bashlighan.

“Dewr géziti”ning xewirige qarighanda, yuqumlinish hazir quramigha yetkenlerge qarap kéngeygen. Dunya sehiye teshkilati xitay hökümitidin bu yuqumluq késellikning konkrét ehwali heqqide éniq melumat bérishni telep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.