Xitayda korona wirusi yuqumi qayta bash kötürüshke bashlighan

Muxbirimiz erkin
2020-04-06
Share

Xitayda korona wirusi yuqumi qayta bash kötürüp, xitay hökümiti quruqluq chégrasini kontrol qilishni kücheytidighanliqini élan qilghan.

Roytérs agéntliqining xewer qilishiche, xitayda 5-aprél küni 39 neper yéngi wirus yuqumdari bayqilip, yuqumdar sani 4-apréldikidin éship ketken. Xitay hökümiti 4-aprél küni bayqalghan resmiy yuqumdarlarning 30 neper ikenlikini élan qilghanidi. Roytérsning bildürüshiche, xitayda yene héchqandaq késellik alamiti yoq yuqumdarlarning sanimu köpeygen.

Xitay sehiye-salametlik komitéti 6-aprél élan qilghan uchurida, 5-aprél küni bu xil yuqumdarlardin 78i bayqalghanliqini bildürgen. Halbuki buningdin bir kün awwal bu xil yuqumdarlarning sani 49, dep élan qilin'ghanidi. Xitay hökümiti korona wirusining xitayda kontrol qilin'ghanliqini ilgiri sürüp, ishlepchiqirish, soda, ma'arip, köngül échish, sayahet ishlirini keng kölemlik eslige keltürüshke bashlighan mezgilde yuqum qayta bash kötürüshke bashlighan. Minglighan Uyghur ishlemchilirini xitay zawut karxanilirigha mejburiy yötkigen idi.

Xitay korona wirusi yuqumi bashlinish bilen yuqumni yoshurup, uning dunyagha keng kölemlik tarqilishni keltürüp chiqirish bilen eyiblinip keldi. Roytérsning bildürüshiche, da'iriler wuxen shehirige qaritilghan qamalni 8-aprél bikar qilishqa teyyarliq qiliwatqan bir waqitta késellik alamiti yoq yuqumdarlarning köpiyishi endishe qozghighan. Xitay hökümiti 6-aprél yighin chaqirip, quruqluq chégra éghizlirini kontrol qilishni kücheytishni, korona wirusi yuqumdarlirining quruqluq chégrasidin kirishini chekleshni telep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet