Бейҗиңдики "икки йиғин" мәзгилидә тордики учур вә муназириләр қаттиқ чәкләнгән
Бейҗиңда ечиливатқан хитай хәлқ қурултийи билән хитай сиясий кеңишиниң йиллиқ йиғини мәзгилидә уйғур елидики торға қаритилған қамалниң йәниму күчәйгәнлики мәлум болмақта. Радийомиз игилигән учурға қариғанда, уйғур аптоном районлуқ тор башқуруш даирилири бир уқтуруш тарқитип, 1-март күнидин етибарән торда вә үндидар қатарлиқ алақә вастилирида 9 хил темидики учурларниң қаттиқ чәкләнгәнликини билдүргән.
Уқтурушта сиясий сәзгүрлүки бар темиларни, ялған явидақ сөзләрни, ички материялларни, зәһәрлик яки сериқ мәзмундики материялларни, хоңкоң вә авмен вәзийитигә мунасивәтлик хәвәрләрни, һәрбий материяллар вә учурларни, дөләт мәхпийәтликигә берип тақилидиған материялларни, дини етиқад һәққидики муназириләр вә милләтләр иттипақлиқиға тәсир йәткүзидиған гәп-сөз һәмдә чүшиниксиз уланмиларни тарқатмаслиқ яки торға йоллимаслиқ тәләп қилинған.
Юқиридики бу уқтуруш 1-март күнидин етибарән йолға қоюлған болуп, хилаплиқ қилғанларниң 8 йилғичә болған қамақ җазаси билән җазалинидиғанлиқи әскәртилгән.
Чәтәлләрдики уйғур көзәткүчиләр, уйғурларниң торда юқириқи темилар үстидә сөзлишишниң аллиқачан чәклинип болғанлиқини билдүрүп, хитай һөкүмитиниң нөвәттә хитай тор қолланғучилириниң уйғур елидики вәзийәт үстидә сөзлишиниң алдини еливатқан болуши мумкинликини билдүрди.
- Һиндистандин кәлгән вәкил: "бизниң мәқситимиз уйғур тилини өгинип, кимликимизни қоғдап қелиш"
- Истанбулда д у қ вәхпәниң 2-нөвәтлик қурғучи һәйәтләр омумий йиғини чақирилди
- Уйғур сот коллегийәси 3-испат аңлаш йиғинида доктор адриян зенз "шинҗаң һөҗҗәтлири" дики йеңи мәзмунларни ашкарилиди
- Дуня уйғур қурултийиниң сайлими вә уйғур даваси (нәзәр 56-сан)
- Мәрһум сәнәткар мәһмут сулайман: "аңлиғин достум биздин ривайәт"
