Хитайға тақабил туруштики санаәт мәбләғ илтимаси тәстиқлиниш алдида

2021-06-08
Share

Хитайдин келиватқан көплигән тәһдитләргә тақабил туруш үчүн америка һөкүмити йеқиндин буян тегишлик тәдбирләрни еливатқан болуп, шуларниң бири америка кеңәш палатасиниң америка тарихидики әң зор көләмлик санаәт қанунини мақуллашқа тәрәддут қилиши икән. Бу йеңи қанун лайиһәси бойичә америка һөкүмити аз дегәндиму 250 милярд америка доллири аҗритип, американиң ишләпчиқириш вә технологийә саһәсини җанландуридикән.

"нйо-йорк вақти гезити" ниң 7-июндики мулаһизә мақалисидә көрситилишичә, 8-июн күни авазға қоюлидиған бу қанун лайиһәси асаслиқи хитай һөкүмитиниң сода вә һәрбий ишлар саһәсидики тәһдитлиригә тақабил туруш үчүн тәйярланған болуп, униң мутләқ үстүнлүк билән мақуллиниш еһтималлиқи бар икән. Буниң билән америка һөкүмитиниң иқтисадий саһәгә қол тиқмаслиқтәк сиясити өзгирип, йерим өткүзгүч ишләпчиқириши, тәқлидий әқил, миқдарлиқ һесаплаш қатарлиқ саһәләрдики технологийә үчүн мәбләғ селишни һәр икки партийә қоллайдиған вәзийәт яритилидикән.

Нөвәттә америка сиясийонлири бирдәк хитайниң әқлий мүлүк оғрилиқи арқилиқ юқурида ейтилған пән-техника саһәсидики ишләпчиқиришни монопул қиливалғанлиқи, буниң билән америка иқтисадиниң ғайәт зор дәриҗидә хитайға еқип кетиватқанлиқи, хитай һөкүмитиниң болса мушу иқтисадни дәсмайә қилип туруп америка үчүн йеңи тәһдитләрни пәйда қиливатқанлиқини буниңдики асасий сәвәб қилип көрсәткән.

Кеңәш палатасиниң әзалиридин чак шумер бу һәқтә сөз қилип: "биз мушу саһәләрдики йетәкчилик орнини қолға алимиз, дәйдикәнмиз җәзмән мушу саһәгә мәнсуп санаәткә мәбләғ аҗритишимиз, шу арқилиқ иш пурситиниму көпәйтишимиз лазим," дегән.

Мақалидә көрситилишичә, америка һөкүмитиниң бу йеңи тәдбири хитай иҗра қиливатқан "2025 хитайда ишләнгән" қурулушиға баравәр келидиған болуп, улар мушу арқилиқ америка һөкүмитиниң иттипақдашлирини юқури пән-техника саһәсидики ишләпчиқиришта хитайға әмәс, бәлки америкаға тайинишқа җәлп қилишни көзлимәктә икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт