Һилларий килинтон ханим австралийәни хитайға боюн әгмәсликкә чақирди

Мухбиримиз ирадә
2018-05-10
Елхәт
Пикир
Share
Принт

Америкиниң сабиқ дөләт ишлири министири һилларий килинтон ханим австралийәни хитайға боюн әгмәсликкә чақирди.

Австралийә бирләшмә агентлиқиниң хәвиригә қариғанда, һилларий ханим пәйшәнбә күни австралийәдики бир йиғинда сөз қилип мундақ дегән: «хитай өзиниң австралийәдики тәсир күчини күчәйтип, австралийәни өзиниң тәсир даириси астидики дөләткә айландурушқа һәрикәт қиливатқан бир шараитта, австралийә буниңға қәтий боюн әгмәй, өз дөлитиниң мәнпәәтлирини күчлүк шәкилдә қоғдиши керәк.»

Һилларий ханим йәнә мундақ дегән: «силәр һәргиз буниңға йол қоймаслиқиңлар керәк. Чүнки хитай толиму йошурун бир хәвп. У демократийәниң асаслирини аста-аста йәйду вә арида ишәнчсизлик пәйда қилиду. Әгәр силәр бу йәрдә сиясәтчиләрни сетивалидиған яки башқа рәзил усулларни ишқа селиватқан бир йошурун қол бардәк һес қиливатқан болсаңлар, демәк у хитайниң демократик бир җәмийәтни бузушқа башлиғанлиқиниң бир ипадисидур. Бүгүнки күндә австралийәниң өз миллий мәнпәәтлирини қоғдиши толиму зөрүр.»

Һилларий килинтон ханим йәнә америкиниң асия -тинч окян районидики һәрбий мәвҗутлуқини дәрһал күчәйтип, австралийә қатарлиқ тинч окян дөләтлири билән болған һәмкарлиқини илгири сүрүши вә бу арқилиқ хитайдин келидиған тәһдиткә ортақ тақабил туруши керәкликини әскәрткән.

Йеқиндин буян америка мәтбуатлирида хитай һәққидә нурғунлиған мулаһизиләр елан қилинмақта. Бу мулаһизиләрдә хитайниң һазир америка қатарлиқ демократик әлләргә қарши һәрикәт елип берип, дуняни өзгәртишкә уруватқанлиқи, шу сәвәбтин америкиниң хитайға қарита җиддий тәдбир елиши керәклики әскәртилмәктә.

Пикирләр (0)
Share
Толуқ бәт