Хоңкоң қанун саһәсидикиләр хитайниң 104-мадда изаһатиға наразилиқ билдүрди

Мухбиримиз меһрибан
2016-11-08
Share

8-Ноябир сәйшәнбә күни хоңкоңда 2000 дәк адвокат вә қанун саһәсидикиләр, қара кийим кийип коча айлинип намайиш қилиш арқилиқ, хитай хәлқ қурултийида 7-ноябир қарардин өткән хоңкоң асасий қанун 104 ‏-маддиси изаһатиға наразилиқини ипадилиди.

Түнүгүн хитай хәлқ қурултийи мәзкур қанун изаһатиниң қарардин өткәнликини җакарлиғандин кейин, 10 миңдин артуқ хоңкоңлуқ намайиш қилип наразилиқ билдүргән. Хоңкоң адвокатлар бирләшмисиму наразилиқ баянати елан қилип, "хоңкоң алаһидә мәмурий район асасий қануни"ниң 104-маддиси изаһатидики хоңкоң палата әзалири вә һөкүмәт хадимлири "җуңго хоңкоң алаһидә райониға садиқ болуши, асасий қанунни һимайә қилиши керәк" дегәндәк бәлгилимиләрни тәнқидләп, "мәзкур қанун изаһати хоңкоң хәлқиниң хитай вәдә қилған ‹бир дөләт икки хил түзүм' вәдисигә болған ишәнчини йоқатти" дегән иди.

Хитай һөкүмити хоңкоңда давамлишиватқан наразилиқ һәрикәтлиригә қарита 8-ноябир күни баянат елан қилип, "хоңкоңда давамлишиватқан наразилиқ аз сандики бир түркүм кишиләрниң қутратқулуқи вә хитай дөлитиниң бир пүтүнлүкигә бузғунчилиқ қилиш һәрикити" дәп әйиблиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт