Хоңкоңниң бир кочисидики намайишчилар тарқақлаштурулған, намайиш шәһәрниң башқа җайлирида изчил давам қилған

Мухбиримиз җүмә
2014-11-26
Share

Хоңкоң даирилири чаршәнбә күни демократийә намайишчилириниң рәһбәрлирини тутқун қилип, шәһәрниң иқтисадий мәркизини икки айға йеқин қоршап ятқан намайишчиларни тарқақлаштурған. Һалбуки, намайиш шәһәрниң башқа җайлирида изчил давам қилған.

Даириләр тазилаш җәрянида намайиш йетәкчилиридин җашува воң вә лестер шом қатарлиқ иккийләнни қолға алған.

Сақчилар 3 саәткә һәпилишип намайишчиларни чоң йолдин тазилиған, қатнаш раванлаштурулған.

Көпинчиси оқуғучилардин тәркиб тапқан намайишчилар бу йил сентәбирниң ахиридин башлап хоңкоң район башлиқини әркин сайлаш вә хоңкоң демократийәсини әслигә кәлтүрүшни тәләп қилип намайиш өткүзгән вә шәһәр мәркәзлиридә чедир қуруп күч көрситишини давамлаштурған.

Һалбуки, хитай һөкүмитиниң қаттиқ қоллишиға еришкән хоңкоң район башлиқи ляң җенйиң намайишчиларниң тәләплиригә қулақ салмиған иди.

Чаршәнбә күни моңкок районида елип берилған тазилашта һөкүмәт тәрәп үстүнлүкни игилигән болсиму, намайишчилар өзлириниң башқичә пилани барлиқини, намайишни адаққичә давам қилидиғанлиқини билдүрүшкән.

Шәһәрниң башқа районлирида намайишчилар йәнила кочиларни игиләп йетишни давамлаштурған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.