Xotenning chira nahiyiside 3 neper Uyghur yash saqchilar bilen toqunushqan

Muxbirimiz qutlan
2015-01-30
Share

Ijtima'iy uchur wasitiliride xotenning kériye nahiyisi teweside 3 neper Uyghurning saqchilar bilen toqunushqanliqi heqqide xewer tarqalghan idi.

Bügün radi'omiz neq meydandin sürüshtürüsh arqiliq bu weqening rastliqini delillidi. Weqedin xewerdar kishilerning radi'omizgha bildürüshiche, 28-yanwar küni kériyening lengger yézisidiki 3 neper Uyghur yash taghliq rayondin yurtigha qaytip kéliwatqanda saqchilarning yol tosup tekshürüshige duch kelgen.

Bir neper resmiy saqchi bilen ikki neper yardemchi saqchi ularni "Gumanliq kishiler" dep qarap saqchixanigha élip barmaqchi bolghan. Bu 3 neper yash qayta-qayta chüshenche bérip, özlirining "Qash téshi" izdep taghqa chiqqanliqini éytqan bolsimu, saqchilar ularni qoyup bermigen.

Netijide majira tughulghan. 3 Neper Uyghur yash axirida yolini tosuwalghan 3 neper saqchini pichaqlap öltürgen. Ular qéchip chira nahiyesining bostan yézisigha yétip kelgende qoralliq saqchilarning qorshawigha chüshüp qalghan. Bu jeryanda ularning bir nepiri neq meydanda étip öltürülgen, bir nepiri yarilinip tirik tutulghan, yene bir nepiri neq meydandin qéchip qutulghan bolsimu, lékin etisi seherde bir déhqanning qotinidin bayqilip tutulup qalghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet